موضوع: تحت الحكم الجائر .... سترك يارب . الخميس يونيو 12, 2008 3:06 am
بعض الدردشة معكم ايها الاخوة ....... بعضكم يعرفنى ....والبعض الاخر لا ...
عموما ً لسنا هنا بصدد التعارف ....
وانما للدردشة كما قلت لكم ....
لا يعقل ما نعيشه هذه الايام ..... بل لا يعقل ما لا نستطيع ان نعيشه هذه الايام .....
فى بادىء الامر ارتفاع مبالغ فيه للاسعار كلها ..... والجديد هنا ان الارتفاع الكبير كان فى سلع اساسية لا يستطيع المرء الاستغناء عنها ....
مثل الزيت والدقيق والسكر والسمن النباتى .... وبعدها جنون الحديد .... واخيرا ً حاول الرئيس حل المشكلة بزيادة المرتبات 30 % وطبعا ً بلا اى جدوى لانه قال فى نهاية خطابه وعلى الجهات المعنية تدبير الموارد اللازمة ... هكذا .... وجدنا انفسنا مرة اخرى والدنيا تزيد من حولنا .... البنزين والجاز زاوا بنسبة 35 % اى اكثر من زيادة المرتبات .... بل زادت الاسعارقبل وصول زيادة المرتبات للموظفين... ثم ... ماهى هذه الزيادة .... فلنتصارح قليلا ً ....
الزيادة عبارة عن 30 % من الراتب الاساسى وبحد اقصى 180 جنيه .... ههههههههه .....كوميديا .....
اشعر وكأننا نعيش فى مسلسل كوميدى ..... ولابد انكم توافقونى الرأى .... والذى لا يوافقنى ينتظر ليفهم ....
بالنسبة للقطاع الخاص هناك عقد بين الموظف والشركة ينص على ان الراتب مثلا ً 700 جنيه .... وهذا العقد غير عقد الموظف مع الشركة المقدم للضرائب ..... فالاخير ينص على ان الراتب حوالى 1/4 من الراتب الحقيقى .....
نعود للزيادة
الزيادة بالنسبة لموظف القطاع الخاص على الرالتب الاساسى اى انه سيزيد حوالى 50 جنيه فقط .....
يلا افرحوا يا شباب ......
افرحوا يا شباب لان الحكومة التى منعت عنكم المعيشة والوسائلها قد وفرت لكم اشياء اخرى
الحكومة التى رفعت الدعم عن السلع الاساسية قد دعمت لكم اشياء اخرى ستمتعكم ..... ثقوا فى هذا ..
سيكون غريبا ً منكم الا تعرفوا ان الحشيش الان منتشر فى الطرقات فى الوقت الذى لا نجد فيه رغيف العيش ....
لذا .... من وجد نفسه جائعا ً فلينس جوعه بسيجارة ملفوفة .....
وطبعا ً البانجو قد تم الغاؤه لانه بتاع الغلابة والحشيش نفسه اسعاره اصبحت فى تناول الجميع ....
بصراحة .... خيوط المؤامرة على شبابك يابلدى بقت محبوكة قوى .....
محبوكة لدرجة اننا مش عارفين نعيش .....
انتى ليه سابة الناس دى تقطع فينا كدة .....
مش انتى بلادنا اللى بنحبها وعشنا طول عمرنا بنفخر اننا منتمين لها ....
مين يا جماعة اللى قال لو لم اكن مصريا ً لوددت ان اكون مصريا ً
مين اللى قال ان مصر ام الدنيا .....
مين اللى قال ان المصريين خير اجناد الارض .....
مين اللى قال ومين اللى قال ......
وقال ليه .....
احنا مش ممكن نكون شعب وليد الصدفة زى الشعب الامريكى ....
ولا شعب همجى زى الانجليز ....
ولا شعب ماجن زى الفرنسيين .....
احنا ناس جدعان قوى ..... بس يمكن مش لاقيين اللى يقوللنا الطريق فين .....
بس والله يا جماعة ....
والله العظيم انا شايف لسة فيه امل
انا كنت راكب ميكروباص وبالضبط جلست فى منتصفه .... وجلس ورائى شاب مثل الذى جلس امامى بالضبط ....
الاثنين تنظر لهم فتشعر انهما شابان مثل الشباب الضائع المنتشر فى شوارعنا .....
ولدهشتى رأيت الذى امامى يقرأ القرآن ..... فدفعنى فضولى بأن اقارن بينهما بالنظر للخلف فرأيت الشاب من خلفى يقرأ هو الاخر سورة قرآنية .....
ساعتها بس حسيت بالامل .....
حسيت اننا لو مسكنا القرأن وماهملناش فيه حياتنا هتبقى غير كدة ...........
انا منتظر آرائكم واقتراحتكم ....
ايه اللى ممكن يخدم الشعب المطحون ده ......
ايه اللى ممكن يرفعله مستوى معيشته .....
بعد ما نتمسك بديننا كويس ونرجع لربنا
ايه المطلوب من كل واحد مننا .....
اخوكم / وائل الخولى
omar hassan نائب المدير
عدد الرسائل : 462 العمر : 30 البلد : رئيس جمهورية نفسي! تاريخ التسجيل : 06/04/2008
موضوع: رد: تحت الحكم الجائر .... سترك يارب . الثلاثاء يونيو 17, 2008 10:37 am
معاك جق والله مقال مؤثر جدا جدا
Fanar مشرف عام
عدد الرسائل : 177 تاريخ التسجيل : 13/04/2008
موضوع: رد: تحت الحكم الجائر .... سترك يارب . الأربعاء يوليو 09, 2008 4:33 am
You are right BUT our God created us and created the whole world. all our pains are reasons to be tested. patience and revolution are the only road. How can we feel now and how can we feel about our future????!!!!
موضوع: تحت الحكم الجائر .... سترك يارب . 
الخميس يونيو 12, 2008 3:06 am
